മഴ

വര്‍ത്തമാനകാലഭാരം പേറുമെന്‍ മേശപുറ-
ത്താവിഷ്കാരങ്ങളൊക്കെയും പൊടിപിടിയ്ക്കേ...
പകുതി വരഞ്ഞ വരവര്‍ണ്ണങ്ങള്‍ കാന്‌വാസില്‍‍
പൂര്‍ണ്ണരൂപമോക്ഷത്തിനായ്‌ കാത്തിരിയ്ക്കേ...

ഒന്നിനും കഴിയാതലസമായി, കനക്കും
കാലവര്‍ഷവും കണ്ടുകിടക്കുമെന്നെ നോക്കി,
മേലെ, സ്വരക്തനിര്‍മ്മിതവലകളിരിയ്ക്കും
എട്ടുകാലികള്‍ പല്ലിളിച്ചു പുച്ഛിയ്ക്കേ...

സന്ധ്യാസൂര്യനിറം പൂണ്ട വിളക്കിലെ തീ-
യെന്മുഖത്തു വികൃതമാം നിഴലുകള്‍ വീഴ്ത്തവേ...
ശബ്ദനിരഹിതനായി കിടക്കുമെന്നിലേ-
യ്ക്കുന്മാദബീജം തേടി നീയൂളിയിടവേ...

കൂമ്പിയടഞ്ഞൊരാ കണ്ണിമകള്‍ക്കിടയില്‍
‍ഞാനുമെന്റെ ഭാരവുമെനിക്കു നഷ്ടപ്പെടവേ...
മഴതുള്ളികള്‍ തീര്‍ന്ന മഴ മരിക്കാന്‍ തുടങ്ങവേ...
നിന്മുഖത്തു പെയ്തിറങ്ങീ കണങ്ങള്‍, മഴയായി!

5 COMMENTS:

Visala Manaskan May 8, 2007 at 6:50 PM  

"സന്ധ്യാസൂര്യനിറം പൂണ്ട വിളക്കിലെ തീ-
യെന്മുഖത്തു വികൃതമാം നിഴലുകള്‍ വീഴ്ത്തവേ..."

നല്ല മഴ!!

ബൂലോഗത്തേക്ക് സ്വാഗതം പ്രിയനേ..

Visala Manaskan May 8, 2007 at 7:58 PM  

ഇവിടെ കമന്റിട്ടാല്‍ അവിടെ വരുമോ?

എന്നൊന്ന് ടെസ്റ്റ് ചെയ്യുവാണേ..

തറവാടി May 8, 2007 at 8:47 PM  

സ്വാഗതം :)

Navi May 9, 2007 at 11:38 AM  

നല്ല തുടക്കം... വിഭവങള്‍ ഇനിയും പോരട്ടെ.. ആശംസകള്‍

[ nardnahc hsemus ] May 9, 2007 at 2:31 PM  

വര്‍ത്തമാനകാലഭാരം പേറുമെന്‍ മേശപുറ-
ത്താവിഷ്കാരങ്ങളൊക്കെയും പൊടിപിടിയ്ക്കേ...
പകുതി വരഞ്ഞ വരവര്‍ണ്ണങ്ങള്‍ കാന്‌വാസില്‍‍
പൂര്‍ണ്ണരൂപമോക്ഷത്തിനായ്‌ കാത്തിരിയ്ക്കേ...

© Copyright [ nardnahc hsemus ] 2010

Back to TOP